Færðin á Fjarðarheiði

Ég var að heyra í einum manni sem vinnur upp á Egilsstöðum. Hann er kominn heim, en sagði mér að það væri lítið skyggni og hált á heiðinni. 

Ég var að kíkja á vef vegagerðarinnar og textavarp, en þar sem vindhraðinn á að vera er spurningamerki.  Enda er hægt að setja spurningamerki við það hvar viondmælir á að vera staðsettur á heiðinni.

Undanfarna daga er veður og skyggni búið að vera misjafnt eftir því hvar á heiðinni er. 

Athugasemdir

[Jón Halldór Guðmundsson, 28.10.2008 kl. 10:20]

Mér finnst starfsfólk Vegagerðarinnar ævinlega reyna að gera sitt besta, þegar maður leitar upplýsinga eða hefur samband við þessa stofnun.

Mér finnst æsklegt að við séum dugleg að hafa samband við þau til að þau geti bætt þjónustu Vegagerðarinnar og hvet alla til að vera duglega við það.

Margt er gægt að bæta í sambandi við þjónustu vegagerðarinnar og upplýsingagjöf, eins og komið hefur fram hér á þessum stað undanfarna daga.

[Ómar B., 28.10.2008 kl. 13:22]

Já, ég er algjörlega sammála því sem hér er ofan ritað m.a. að starfsmenn vegagerðarinnar og aðrir þeir sem gera sitt besta til að halda Fjarðarheiðinni opinni yfir veturinn eru að vinna gott verk.  En það er hinsvegar grafalvarlegt mál þegar vindmælirinn er bilaður en hann eru margir farnir að treysta á að eins miklu leyti og það er hægt!  Nú er ég ekki að sakast við neinn en bendi á að síðasta sólarhring fór ágætt viðmið fyrir okkur sem keyrum Fjarðarheiðina þ.e. mælirinn á Vatnsskarði Eystra í um 33 metra stöðugan vind á sekúndu og sló í kviðum upp undir 40 m/s.  Þetta segir okkur  að útlitið var víðsjárvert á heiðinni en það var erfitt að átta sig á því þar sem að mælirinn var eitt spurningamerki og sýndi logn! En við sem keyrum Fjarðarheiðina á vetrum vitum auðvitað að hún er alltaf hættuleg og krefst mikillar aðgæslu.

[Ólafía Stefánsdóttir (IP-tala skráð) 28.10.2008 kl. 21:03]

Þeir sem keyra oft yfir heiðina hafa væntanlega tekið eftir því að veðrið breytist mjöf oft við heiðarvatnið.  Ef veðrið er skaplegt okkar megin getur það verið snælduvitlaust við kofa og öfugt.  Þess vegna segi ég að við þurfum að hafa tvo mæla sem sýnir alla vega vindstyrkinn, það er hann sem öllu skiptir.  Hitastigið er ekki svo ýkja mikilvægt.

En mér finnst ég orðin miklu öruggari á Heiðinni eftir að símasamband kom á alla leiðina.

[Sigurveig (IP-tala skráð) 29.10.2008 kl. 13:57]

Hæ..

Jæja, ég missti af einum tíma í Spænskunámi mínu á mánudaginn 27.okt. Við Berglind Sigga-Tomm höfum saman skrönglast vikulega í Egst. á námskeiðið en ég var fegin á mánudaginn að meira segja Berglind sagðist ekki nenna að standa í þessu. Námskeiðið byrjar kl.19:30 og stendur til ca.21:30, við erum vanalega að komast af stað heim um kl. 21:45 eða seinna og þá má ekki búast við að ruðningstæki séu lengur á heiðinni þ.a.l. tekur maður ekki þá sénsa að druslast yfir ef maður býst við að geta verið innilokaður á Egilsstöðum fram til morguns. Egilsstaðir eru ágætir en fremur vil ég sofa í mínu rúmi....

Hasta la vista (er mjög góð í spænsku....)

[Jón Halldór Guðmundsson, 30.10.2008 kl. 14:59]

In Monte Islandica tornado est. (kann bara smá latínu).