Göngum?

Samtökin sem eru að verða til á Seyðisfirði til að vekja athygli á erfiðum samgöngum um Fjarðarheiði eru að undirbúa kynningu á starfsemi sinna meðal bæjarbúa. 

Á næstunni verður haldinn kynningarfundurfyrir bæjarbúa og verðu hann auglýstur fljótlega.

Einnig er verið að skoða öryggisvesti, sem ætlunin er að merkja kjörorði samtakanna.

Við rákum okkur á það að ef við efnum til hópgöngu um Fjarðaheiði að vetri til getum við verið að stefna fólki í töluverða hættu.  Til að draga úr henni þarf að gera allt sem hægt er til að viðkomandi sjáist vel.  Þess vegna er ætlunin að stuðla að því að þáttakendur séu í fötum með góðum endurskinsmerkjum eða öryggisvestum í áberandi lit.

Vesti sem þetta er góð eign, bæði fyrir þá sem eru á gangi í skammdegi eða slæmu skyggni og eins til að hafa meðferðis í bíl, því ef þú þarft að fara út úr bíl á eða við veg þar sem hröð umferð er, stuðlar öryggisvesti að öryggi. 

Athugasemdir

[Ólafía (IP-tala skráð) 13.11.2008 kl. 19:46]

Jón Halldór er ekki hægt að fá kindavesti????  Nú eru það kindur í niðamyrkri sem valda hættu, alla vega frá Fjarðarseli og upp að Gufufossi. 

Endurskin á allar kindur!!!!!

[Jón Halldór Guðmundsson, 18.11.2008 kl. 22:29]

Það er sjálfsagt hægt að setja á þær einhverskonar vesti, og augljóslega myndi það auka umferðaröryggi þeirra blessaðra.

Það eru margir söluaðilar að slíkum vestum og ekkert sem bannar að bændur og búalið kaupi sér slík vesti. 

[Ívar B (IP-tala skráð) 26.11.2008 kl. 23:31]

Já þetta getur verið stórhættulegt.

Allar kindur í frystikistuna